पाटोदा तालुक्यातील ऊसतोड कामगारांनी ग्रामसेवक मार्फत नाव नोंदणी करावी:- देविदास शेंडगे

 

 

 पाटोदा प्रतिनिधी :-.  

  स्व. गोपीनाथराव मुंडे ऊसतोड कामगार कल्याण महामंडळाच्या विविध कल्याणकारी योजनांचा लाभ मिळवण्यासाठी महाराष्ट्रातील प्रत्येक जिल्ह्यातील व ग्रामीण भागातील ऊसतोड मजुरांनी ग्रामसेवकामार्फत आपली नावनोंदणी करून घ्यावी असे आवाहन पंचायत समिती पाटोदा उपसभापती देविदास शेंडगे यांनी केले आहे.

उसतोड कामगारांनी ग्रामसेवकाकडे स्वतःचा फोटो, आधार कार्ड, बँक पासबुक, रेशन कार्ड आदींसह कागदपत्रांची सत्यप्रत देवून आपली नाव नोंदणी करावी. तसेच ज्या ऊसतोड कामगारांनी सध्या ऊसतोडणीचे काम बंद केलेले आहे. मात्र पूर्वी ते ऊसतोडणी करत होते, अशा कामगारांची पण नाव नोंदणी करावी असेही देविदास शेंडगे यांनी सांगितले आहे.हाडाचे काडं आणि रक्ताचे पाणी करून गोड साखर निर्माण करणाऱ्या ऊसतोड कामगारांना राज्यशासना मार्फत सर्व लाभ मिळावा या उदात्त भावनेतून लोकनेते स्व. गोपीनाथ मुंडे ऊसतोड कामगार महामंडळाची स्थापन केलेली आहे. ग्रामसेवकांनी सर्व ऊसतोड कामगारांचा आदर करून अचूक नोंद करावी असेही विनंती पंचायत समिती पाटोदा उपसभापती देविदास शेंडगे यांनी केली आहे.