मुंबई: शिव जागृती न्यूज
राज्यात कोरोना संसर्गामुळे हजारो रुग्णांचा मृत्यू झाला. काम करणारी तसेच कुटुंब प्रमुख व्यक्तीचा या कोरोना महामारी मध्ये मृत्यू झाला,आणि कुटुंब उघड्यावर आली. मागील अनेक दिवसांपासून कोरोना मुळे मृत्यू झालेल्या नागरिकांच्या कुटुंबियांना मदत देण्यात यावी अशी मागणी केली जात होती. आता या पार्श्वभूमीवर राज्य सरकारने मोठा निर्णय घेतला आहे. सर्वोच्च न्यायालयाने दि.4 ऑक्टोबर 2021 रोजी दिलेल्या निर्णयानुसार covid-19 या आजाराने निधन पावलेल्या व्यक्तीच्या नातेवाईकांना 50 हजार रुपये सानुग्रह सहाय्य देण्याची घोषणा सरकारने केली आहे.
राज्य आपत्ती प्रतिसाद निधीमधून हा निधी देण्यात येईल. राज्य शासनाने मदतीची रक्कम लाभार्थ्याच्या थेट बँक खात्यात जमा करण्याकरिता ही योजना तयार केली आहे, त्यानुसार लाभार्थ्यांना मदतीची रक्कम थेट लाभार्थ्यांच्या खात्यात जमा होणार आहे. महाराष्ट्र राज्यात जी व्यक्ती कोरोनामुळे निधन पावली आहे तसेच एखाद्या व्यक्तीने करोनाचे निधन झाल्यामुळे आत्महत्या केली असेल, तरी त्या मृत व्यक्तीच्या जवळच्या नातेवाईकास 50 हजार रुपये सानुग्रह सहाय्य दिले जाणार आहे. राज्य आपत्ती मदत निधीमधून ही मदत करण्यात येईल हे सानुग्रह साहाय्य देण्यासाठी कोरोनामुळे मृत्त पावलेल्या नागरिकांची पडताळणी करण्यात येईल. पडताळणी साठी विविध मुद्दे शासन निर्णयात सविस्तरपणे देण्यात आलेले आहेत. ही मदत मिळवण्यासाठी कोरोना या आजाराने निधन पावलेल्या व्यक्तीच्या जवळच्या नातेवाईकाने, राज्यशासनाने याकरिता विकसित केलेल्या वेब पोर्टल वर ऑनलाईन अर्ज करणे आवश्यक आहे. अर्जदार स्वतः किंवा सेतू केंद्र मधून अर्ज करू शकेल.
दरम्यान या कामासाठी नव्याने वेब पोर्टल पुढील आठवड्यात सुरू करण्यात येणार आहे. त्या वेब पोर्टल वर ऑनलाईन अर्ज कसा करावा तसेच या योजनेची माहिती आणि कार्यपद्धतीची माहिती असेल हे वेब पोर्टल कार्यान्वित झाल्यानंतर सर्व जिल्हा आपत्ती व्यवस्थापन प्राधिकरण या योजनेची माहिती जनतेपर्यंत पोहोचवण्यासाठी प्रयत्न करतील. संबंधित सर्वांनी अर्ज करण्याचे आवाहन स्थानिक प्रशासनाने करण्याच्या सूचना राज्य सरकारने दिल्या आहेत. याबाबतचा शासन निर्णय महाराष्ट्र शासनाच्या संकेतस्थळावर उपलब्ध आहे. अधिक माहितीसाठी श्री साई कॉम्प्युटर्स बस स्टँड रोड पाटोदा येथे संपर्क करावा.
टिप्पण्या
टिप्पणी पोस्ट करा