पुणे: शिव जागृती न्यूज
बारावीचा निकाल येत्या तीन दिवसात कधीही जाहीर केला जाण्याची शक्यता होती. अखेर बोर्डाकडून ८ जून तारीख जाहीर झाली आहे. त्यामुळे बारावीच्या विद्यार्थ्यांचे देव पाण्यात असल्याचं चित्र आहे.
महाराष्ट्र राज्य माध्यमिक आणि उच्च माध्यमिक शिक्षण मंडळाकडून घेण्यात आलेल्या बारावी परिक्षांचा निकाल लवकरच जाहीर केला जाईल, अशी माहिती बोर्डाच्या अधिकाऱ्यांनी दिली होती. निकाल जाहीर झाल्यानंतर विद्यार्थी खालील वेबसाईटवर वर निकाल पाहू शकतील.
www.mahresult.nic.in
www.mahahsscboard.in
www.hscresult.mkcl.org
बारावीच्या निकालाची विद्यार्थी आणि पालक आतुरतेने वाट पहात असतात. कोरोनानंतर बारावीच्या झालेल्या परिक्षांमुळे यंदाच्या निकालाची सगळेच उत्सुकतेने वाट पाहातायत. अखेर तारीख जाहीर झाली आहे.
कोविड पार्श्वभूमीवर बारावीची परिक्षा झाली होती. यंदाची परिक्षा ऑफलाईन घेण्यात आली होती. संभ्रमाची स्थितीही होती, पण विद्यार्थी-पालक -शिक्षकांनी बरचं सहकार्य केल्याने ही परिक्षा सुरळीत पार पडली. पेपर तपासणीचं कामही व्यवस्थितपणे पार पडल्याची माहीती राज्य शिक्षण बोर्डाचे अध्यक्ष शरद गोसावींनी सकाळ डिजिटलला दिलीय. तसंच यंदा परिक्षेदरम्यानचा गोंधळ टाळण्यासाठी आणि विद्यार्थ्यांच्या कोविड सुरक्षिततेचा विचार करुन शाळा तिथे केंद्र ही सुविधा लागू केली होती. यामुळे विद्यार्थ्यांना फायदा झाल्याचही गोसावी यांनी सांगितलं.
टिप्पण्या
टिप्पणी पोस्ट करा